TARİX İNSTİTUTU

Səidə Allahşükür qızı Kazımova 15 sentyabr 1978-ci ildə Bakı şəhərində anadan olub. 1995-1999-cu illərdə Bakı Dövlət Universitetinin “Beynəlxalq münasibətlər və beynəxalq hüquq” fakültəsində ali təhsil alıb. 1999-cu ildə bakalavr dərəcəsi almış, 1999-2000-ci illərdə isə ali təhsilini həmin fakültədə davam etdirərək 2000-ci ildə magistr dərəcəsi almışdır. 

2005-ci ildə AMEA Fəlsəfə və Siyasi Hüquqi Tədqiqatlar İnstitutunun “Beynəlxalq münasibətlər və beynəlxalq hüquq” şöbəsinin doktoranturasına qəbul olunub. “ABŞ-da lobbizmin tarixi və siyasi əsasları” adlı elmı iş üzərində çalışmış və mövzunu kompleks şəkildə ingilisdilli tarixşünaslığın materialları əsasında araşdırmışdır.

2005-ci ildən  AMEA Fəlsəfə və Siyasi Hüquqi Tədqiqatlar İnstitutunda aspirantura və doktoranturaya qəbul üzrə direktorun köməkçisi vəzifəsində çalışmış və öz istəyi ilə 2006-cı ildən “Beynəlxalq münasibətlər və beynəlxalq hüquq” şöbəsində kiçik elmi işçi kimi fəaliyyət göstərmişdir.

2016-cı ildən AMEA A.A.Bakıxanov adına Tarix İnstitutunun “Ümumi tarix” şöbəsində kiçik elmi işçi kimi fəaliyyət göstərir. 

 Çapdan çıxmış elmi əsərlərinin sayı 6-9-dır. Onlardan 2-si ölkə hüdudlarından kənarda çap olunub.

Elmi məqalələr:

1. “ABŞ-da lobbizm və onun siyasi mahiyyəti ” // “Şərq-Qərb: Sivilizasiyaların dialoqu” №1(6), Bakı, səh.141-154
2. “ABŞ-ın beynəlxalq fəaliyyətində xarici lobbizm fenomeni” // “Şərq-Qərb: Sivilizasiyaların dialoqu”, Bakı, 2008, №1(9), səh.66-79
3. “ABŞ-ın xarici siyasətinin formalaşmasında hökumət lobbisinin yeri və rolu” // Elmi əsərlər, Bakı, 2008, №1(11), səh. 96-102
4. «Феномен иностранного лоббизма в международной деятельности США» // Gürcüstan, Qarapapaqlar №10 (40), 2010 oktyabr, aylıq elmi kütləvi dərgi, səh.21-26.
5. “ABŞ siyasi sistemində lobbi təsisatı, onun xarakteristikası və realizə mexanizmləri” // AMEA, Gənc alimlərin I Respublika innovativ ideya yarmarkası, məqalələr toplusu, 2010 18-23 noyabr, səh. 112-114
6. “Lobbi fəaliyyətinin hüquqi tənzimlənməsi və siyasi əsasları ” // Tarix və onun problemləri, Bakı, 2011, №1, səh.158-166